Planområdet ligg i Solavåg i Sula kommune. Området var sett av til bustader i kommuneplanen, med krav om reguleringsplan før utbygging. Området er til dels bratt, med fine kvalitetar som gode solforhold og godt bevarte steingardar.

Viktige forhold å avklare i reguleringsplanen var tomtestruktur og god utforming av tomtene, gode tilkomstforhold til den enkelte tomt. Det var også eit ønskje å legge til rette for bevaring av steingardane, samtidig som kravet til fortau langs samlevegen skulle løysast.